Монголчууд бидний хандиваар Чикаго хотноо дэлхий дахинд анх удаагаа Монгол Өв Соёлын Төв байгуулагдан үйл ажиллагаагаа явуулж эхлээд байгаа билээ. Монгол Өв Соёлын Төвийн үйл ажиллагааны зорилго, үндсэн чиглэлд тусгагдсан зарим томоохон арга хэмжээнүүдийг зохион байгуулах танхимтай болохтой холбогдуулан Төвийн байрны 2 давхрын урд жигүүрийн өрөөнүүдийн ханыг нурааж, шинээр танхим байгуулах зураг төсөл Prospect Heights хотын холбогдох байгууллагаас батлагдаж, барилгын хана нураалт /Demolition/, барилгын хог хаягдал тээвэрлэлт /Moving garbage/, сантехник /Plumbing/ -ийн туслах ажил зэрэгт хүн хүчний дэмжлэг туслалцаа үзүүлэх сайн дурын ажилтнуудыг бүртгэж байна. Монгол Өв Соёлын Төв энэ оны 12 дугаар сараас өмнө батлагдсан зураг төслийн дагуу дээрх ажил гүйцэтгэлийг дуусгахаар зорин ажиллаж байгаа тул энэхүү ажилд сайн дураар ажиллах хүмүүстэй хамтран ажиллахдаа таатай байх болно.
Сайн дураар ажиллах хүмүүсийг бид MHC-ийн албан ёсны вэб хуудсанд хуулийн этгээд болон хувь хүмүүсийн нэрийг алдаршуулж ( https://mongolianheritagecenter.org/donors-mn/ -ыг дарж үзнэ үү), Монгол Өв Соёлын Төвийн байрны хүндэтгэлийн хананд нэр алдрыг дуурсгаж, батламж гардуулна.
Хамтран ажиллахыг хүсвэл: Монгол Өв Соёлын Төв – (872) 231-0808 дугаар утсаар холбогдоно уу.